Press realease Aruba: Naturalesa ta bida

November 26th, 2009

NATURALESA TA BIDA
Incondicionalmente naturalesa ta e factor mas importante di bida. Desde 1854 e Biologo Charles Darwin a purba di educa nos riba e importancia aki, den su buki “On the Origin of Species”, Darwin a splica cu, entre otro, tur cos riba nos planeta tin un conexion cu otro. Despues e filosofo Aleman Rudolf Stiener tambe a plantia cu nos mester pensa den un manera “Holistico” caminda tur cos den universo ta uni cu otro. Te cu awor ta cuestiona si e avancenan tecnologico tambe ta forma parti di e evolucion di naturalesa. Pa mantene e avance industrial, naturalesa a wordo laga atras canando cu e consecuencianan desastroso. Hopi informacion y educacion profundo ta loke ta bay haci cu mas hende rond di mundo, y principalmente aki na Aruba, tambe por siña di aprecia loke naturalesa tin pa ofrece nos. Ta importante pa respeta naturalesa, paso sin dje lo ta dificil pa sobrevivi. Na December tambe lo tin e Copenhagen Climate Change Conference caminda lo sigi elabora riba e Kyoto protocol di nos medio ambiente.
Por constanta awor cu hopi isla den Caribe no tin rifnan di coral mas, nan ta disparciendo den un rapides increibel!
Fundacion CARMABI ta un organisacion cu ta haci investigacionan cientifico riba e mundo di bou awa pa por colecta informacionan clave y preserva nos medio ambiente tan fragil.

WWW.NATUREISLIFE.ORG
Ryan de Jongh, e conocido atleta di Corsow a tuma como su meta pa stimula, protehe y yuda naturalesa pa medio di diferente retonan cu el a tuma den su bida. Por corda con el a rema for di Corsow pa Aruba (185km den 22 ora) y su coremento y tambe su caminata rond di Aruba (150 km den 23 ora) no mucho aña pasa. Na Corsow e ta wordo mira manera un heroe cu ta sali na vanguardia di nos naturalesa. Asina el a cuminsa, hunto cu Fundacion CARMABI, cu e conoci “Clearwater Challange” pa conscientisa nos tur cu sin naturalesa, dus tambe nos lama, no tin bida. Cu e reto anterior Ryan de Jongh a sa di demostra su balentia, caminda cu el a rema rond di Corsow den 33 ora (150 km). Tur esaki conociendo tambe tur e consecuancianan pa su propio bida.

CLEARWATER CHALLANGE III
Pa notifica tur hende tocante e rumbo actual cu nos naturalesa y specialemente e bida marino ta bayendo, Ryan de Jongh a bin cu e sigiente reto cu ta consisti di rema di St. Maarten pa Corsow pasando 16 isla den Caribe, cu un duracion di aproximandamente 3 siman. E team lo sali for di Corsow diamars 2 di December venidero pa prepara pa e biahe interesante for St. Maarten cu lo inicia dia 5 di december.
Pa mas informacion tocante apoyo financiero, por bishita e website www.natureislife.org. Cu boso ayudo nos por stop e dañonan cu ta wordo haci na nos naturalesa.
Sponsernan cu ta judando nos caba ta: Inser Air, Curoil, UTS [Chippie], Curaçao Ports Authority, Plaza Hotel Curaçao, mangusa Supermakets, EcoEnergy, Claerity Administrations, IDF Internet services, Budget Marines, Curaçao Towage Company & Caribbean.tv. Un danki grandi na nos sponsernan pasoba sin nan e proyecto aki no ta posible.

WWW.CARIBBEAN.TV
Pa facilita Natureislife.org su obhetivo y pa hacie visual pa henter mundo Ryan de Jongh y Ryan Oduber (Aruba) a uni forsa y a lansa un website nobo cu tin e nomber di Caribbean.tv, e ta un website caminda por upload video, potret y audio pero tambe mantene un netwerk di amigonan online.
E ideologia di Caribbean.tv ta pa unifica Caribe mas cu otro. Tin ora nos ta lubida cu nos ta Caribeño y mester ta orguyoso di ta forma parti di un parti di mundo cu a saca hopi cosnan creativo manera Reggea, Calypso y Soca pero tambe a logra di cosecha Nobel Prize winners por ehempel Sir Arthur Lewis di St. Lucia pa Economics y V.S. Naipaul di Tribidad & Tobago pa literatura. No ta pornada nan ta yama nos un “Melting pot” caminda tur e diferente culturanan ta biba den paz bandi otro. E bunitesa di nos region ta wordo admira dor di henter mundo y ta wordo considera como un paraiso na mundo. Specialemente esaki ta e meta tambe di Caribbean.tv. Pa laga hende wak nos “Paradise on Earth”. Pone bo imagen unico, bo video of bo musica riba www.caribbean.tv y laga Aruba su cara resalta den Caribe! Di Aruba Ryan Oduber y Germille Geerman lo aporta pa cu e proyecto Natureislife.org y Caribbean.tv door di captura e imagenan pa boso tur wak y conoce Caribe pero tambe pa wak e Challange di serca y experiencia e reto grandi aki cu seguramente lo no ta facil.

Pa donations:
“The Ryan de Jongh foundation”
Banko Di Caribe: 304 128 01 (Swift: BDCCANCU)
MCB: 221.303.06 (Swift: MCBKANCU)
RBTT: 10377514  RBTTANCU (swift BIC)

Filed under: Clearwater Challage 3, Clearwater Challage 3, Curaçao, Launching, Meet the islands, The Caribbean, The Caribbean is dying, The Route